السلام عليكم ورحمة الله وبركاته
بقصه من قصص والقصائد التي قيلت في قبيلة السهول ولازلت اتصفح في انتاج ابناء قبيلتنا الابطال وماقدموه وجمعوه في كتاب الضميمه والاشعار القديمه عن تاريخ القبيله وعلى رأسهم الشيخ سلطان بن رويضان والذي تفضل مشكورا بجمع وتفسير الفاظها وتكفل بها ايضا والاخوان الموجودين يعطيهم العافيه وماقصروا اقراء قصصها ولااكاد املّها واعيد النظر فيها شبه يوميا واتفاخر باافعالهم وابتهج ولي الحق والفخر اليوم قرأت قصه عن شخص يدعى محمد بن عيد الزيادي النفيعي العتيبي حيث جرى له ماجعله
يغادر جماعته النفعه ويجاور قبيلة السهول فوجد عندهم كل تقدير وأكرام حيث اكرم السهول وفادته وشدو من ازره ورفدوه ومنحوه0
وقال قصيده يذكر فيها ماجرى له،ويتمنى فيها لو كان السهول هم اخواله لما وجده فيهم من شيم العرب ومكارم الأخلاق :
ليت ابويه ماتـزوّج مـن خوالـي
@ كان أخذ له من هل الضلع اسهليّـه
أحسب اللي مع خوالي من حلالـي
@ واثر مالـي كـود ماتملـك يدّيـه
ومن زعل يرضيه خشم اذني شمالي
@ الخشـوم النايفـه دون اعبلـيّـه
باديٍ رجم العنـا وقـت الزوالـي
@ في ليالي القيظ انـا مالـي رعيّـه
باديٍ بالرجـم فـي راسـه لحالـي
@ ياوجيـه الخيـر مافيكـم حمـيّـه
ليتني مارحت عاني مـن شمالـي
@ ولاتهقـو بالعلـوم اللـي رديّــه
متعبٍ رجلـي ولاجيـت الضلالـي
@ واتمثـل بالبيـوت اللـي طـرّيـه
الله اكبـر كـل ماجابـه مجـالـي
@ يصليـب الـراس لاتـزري عليّـه
يوم جاهم ميل مـن ميـل الليالـي
@ كـل منهـم وده ان حملـه عليّـه
المشاكـل لـو تلولـس بالحبالـي
@ تاصله حيـلٍ علـى البيـدا جريّـه .
الأربعاء مارس 18, 2009 12:30 pm
