قصيدة للشاعر ياسر التويجري في ابن الامير السامر

قصيدة للشاعر ياسر التويجري في ابن الامير السامر
[ العيد حق الله وعيد الوراعين = والا انت عيدك عيد نجد العذيه ]




السلام عليكم


ياسر التويجري والامير عبدالعزيز بن سعود آل سعود <السامر>
تربطهم علاقة قوية بين بعضهم البعض وصداقة حميمة
وهذه القصيدة وجهها شاعرنا الي ابنه الامير راشد بن عبدالعزيز آل سعود
وقد سماه ابوه ب راشد نسبة الى خواله آل مكتوم

::


العيد حق الله وعيد الوراعين = والا انت عيدك عيد نجد العذيه
قبل امس وامس وقبل عامٍ وعامين = في كل يومٍ عيد وانت الهديه
ياسيّدي راشد ابمدحك ومنين = وانت العريب اللي عروقه قويه
يكفيك عن كل التشابيه ثنتين = دم الخوال وهيبةٍ وايليه
جاني خبر ان العذارا المزايين = تكرفعن قدمك بنيه بنيه
جاني خبر ان الفروخ الشياهين = النادرات القطّع الساحليه
اللي على كفك ماهيب للحين = على كفوف اللي لهم مقدريه
وش لك عذر وابوك لو يصدف الدين = يوجه عليه من العطا مدفعيه
عبدالعزيز ابوك ماهو عن الفين = مافيه اصلاً بالمخاليق زيه
ياسيّدي راشد ابوصيك بأمرين = لو انت مانت بحاجةٍ للوصيه
احفظ ابوك اللي على العسر واللين = سمحٍ لقاه ومدته حاتميه
اللي عطاك العز من عزة الدين = وأضفى عليك الشهرة العالميه
وحافظ على مجدٍ بنوه العزيزين = عمره مهوب سنين له فوق ميه
وابطلبك طلبة عزيزٍ مسيكين = ماله جدى ياكود جاهك و فيه
ذكّر ابوك ان الرجال الاصيلين = مايملكون الا بطيب السجيه
وهو ملكني والله الوالي يعين = في صحبته في حشمته في العطيه
قله وسمني مثل وسم البعارين = وياحلو ميسامه وياطعم كيه

يا حمووود نبي قصيده فكاهيه

صح لسانك
مشكووووووووووور وماقصرت

&&&&&&&&&& مخاوي الليل &&&&&&&&&&