ملحمة للشاعر المتألق خالد بن غنام آل عبيد السهلي 213 بيت
من الهاجس اللي لاصطفق كنه الطوفان=تقافا القوافي بالمعاني واهندبها
توارد مثل ورد الظوامي على الحيضان=بفكري وانقدها وانقي شوايبها
وانا اللي يفوح من السطر راسي المليان=من علوم ربعي والفخر في مذاهبها
اعسف القوافي في رضاها وانا طربان=وانا دونها واحمى بجنبي جوانبها
ولا ارضى على ربعي هزيعة ولانقصان=واتوج لنصرتها المدايح واذهبها
وانا جتني علوم تناسخ بها الشرطان=من رخوم قوم ماتنومس مناسبها
وعرفت المصادر والخبر ينتشر ويبان=ولابد الذنوب السود تلحق عقايبها
ولزوم يتمثنى العبد من شرها سفطان=بعد لحيته طالت عليها شواربها
وحنا على المخطي نزيد الخطا عدوان=وحمر المياسم في خدوده نذوبها
فياراكب اللي مانتجت مثلها اليابان=ولا الروس شقر الروس تقدر تقاربها
ولاوردوها اهل الردى حمر الامريكان=ولو تشوفها اهل الصين تاقف على ركبها
فريدة عصر تفخر على صنعها الالمان=يغالى ثمنها والسلاطين تركبها
ولاتمت الايوم من عهدة الوعلان=من ظلال معرضها ليا بيت صاحبها
ولاساقها الهندي ولاجولها الغشمان=ولادخلت عند المهندس يوظبها
ليا من تساوى الخط يطرب لها العجلان=تروح كما الشباب من يوم يندبها
والى سندت درب تمثنى بها الضلعان=تقول الشبح يوم شخطت وانت ترقبها
والى حولت بنزولها تسرق الاعيان=نزول الصواعق يوم تلقح سحايبها
توجه عليها يانديبي مع الاذان=وتلحق صلاة اهل ضرما في محاربها
ثم انشد ليا صليت عن حلة العبدان=ودارج عيها قبل تطفي كهاربها
وود الامانة وابشر بطولة الامان=ولاتلحقك لاقفيت شرهة معزبها
وعود على اللي ينخشونه من العمان=وعطها الهدية ثم تسهل وجنبها
وقل للذي يسرح ويمرح طليق عنان=يبي يندم اللي كلمته مايحسبها
ويلقى الجزا جنس العمل واللسان حصان=وترجع عليه علومه اللي يحثربها
من اللي يبين ليا خفينا من العربان=ياراع الهروج اللي علينا تقلبها
وحنا الرجال اللي لكفتهم الرجحان=عراب السلوم اللي نسبها مذربها
هل الجود والفزعات ومذرب الايمان=هم اهل المزين كان شبت شبايبها
سواليفهم تجلا الصدا تروي الظميان=حرار الوكور اللي حداد مخالبها
لاطال الشتا في جدبه وغارت القلبان=وقامت طروش البدو تنحر ركايبها
ومشى الدم بخشوم البل ويبست الخدان=وعلى المربعانية تقافت عقاربها
ولاعاد ينبح بردها الكلب للضيفان=وشعث الطراقي فالسفر يبست قربها
وقامت تقارع من شخيف الهوى القدحان=وشفت السما فالليل تشعل كواكبها
شعمنا لنا نار توهجر كما العنوان=ننادي بها الهشال والحظ يجلبها
وخيل سناها الطاوي البايس الفقران=وجتها الضيوف اللي تواما مزاهبها
بذلنا كرامتنا وفرحو بها اليتمان=والارامل اللي غيب الموت كاسبها
نقدم لهم وقت المجاعة سمان الضان=لياشحو الكرمان حنا نجود بها
من اشناق حيل للضيوف الحشام سمان=تفوح القدور بها ونمسي ننكبها
سهول تسلسل نسلها من ظهر عدنان=ومن عامر بن صعصعة طاب ناجبها
سلايل هوازن من ولد قيس بن عيلان=نسبها الكريم البين اللي معربها
لهم قبل وقت الجاهلية مقام وشان=فعايلهم التاريخ بالمسك كاتبها
وساع الطعون الشم حماية الاظعان=نبي الولي زود شرفها وناسبها
وهم اخوال صحابته عليهم الرضوان=زحول الزحول اكرم هل الارض واطيبها
كما الحبر بن عباس ومترجم القران=وسيف الله المسلول قايد كتايبها
ومنهم لبيد الشاعر ملاعب القيفان=زعيم المعاني يوم ينظم عجايبها
مع النابغة بحر به اللول والمرجان=تعدا الخلايق من حضرها واعاربها
ومنهم زعيم الحرب لاشبت النيران=ليا لاعب اطراف الاسنة ملاعبها
هو ملاعب الاسنة معرب الجدان=من اسمه تهج القوم لومايحاربها
وخالد ولد جعفر غضنفر على القومان=محرر هوازن يوم تدفع ضرايبها
ولاينركن عامر ورا ظلمة النسيان=تمنى القبايل عامر بن الطفيل بها
وغيره عويمر بن عدي لانزل سكران=وسط لجة الموت وتمثنى معاطبها
تراجع عنه عنتر وهو فارس الفرسان=شجاع لاقابل غمرة الموت واثبها
ومن نسلهم مايجهل مقرن الاقران=ابوزيد رمز رموزها من مناقبها
مع ذياب بن غانم ولاللخبر كتمان=من هلال بن عامر على الطيب جاذبها
ولنا اعظم وقيعة سجلوها بني الانسان=بوجه العجم والعرب شبت حرايبها
بيوم جبلة نار تلظى بلادخان=صفت من حرارتها شواظي لهايبها
ووطينا تميم بخيلها يوم رحراحان=واسرنا مشايخها وهجت قرايبها
ولاساعفتهم فزعة الفرس والنعمان=ورهاف السيوف تعضها مع غواربها
وحنا ورثناهم وزدنا على البنيان=مسيرة فخر ماكل قوم تواكبها
وعشنا بحدب سيوف هند لها دندان=لياجودو خطلان الايدي مقاضبها
زمان يعيش الرجل ماعاش به سرحان=وخير الرجال اللي جزال نهايبها
سطينا على الساطي واخذنا من المرحان=ونطحنا الرجال وذرحة الموت بسربها
على الفارس المدلاح نضرب ونركي الزان=ونعطي الفوارس ضربة ماتقوم بها
وحنا ذبحنا شيخ شمر من الجربان=بيوم السماوة يوم كبرت صوايبها
ولاهوب نقص فيه مير ان يومه حان=على ايد عوايد رميها مايخيبها
وحنا تركنا الترك فالمجمعة قطعان=نصتها الذيابة جايعة من جذايبها
بعد مالفت يضرب مزاميرها البطران=وزود الفخر والكبر يدفع مواكبها
تحوف القرايا واستزادت من الطغيان=يالين ان كل هابها عقب جربها
طلعنا نسمي فوقهم بالله الرحمان=ونكبر عليها لين كثرت ندايبها
نترجم بضرب سيوفنا رطنة الرطان=ونذود العجم عن دارنا لاتخربها
تشوف السيوف تفرق الروس والابدان=وتسمع صريخ رماحنا في ترايبها
ومن سلم منهم بعدها مالقا عقلان=هلك في صحاري يهلك الناس مجدبها
واخذنا سلايبهم من المال والذهبان=وكثحنا تراب الارض في لحى متربها
وتجزل على مجزل عشا جايع الغربان=وسحم الذيابة فالدمي نشب ناشبها
ثمانين فارس ذبحو مالقو دفان=تواما ملاحيهم لاهبت هبايبها
وعلى جنادرية لامج الظالم الخسران=بضعفين جمع اللابة اللي تلببها
بسبعة بيارق تاخذ الدين والديان=وردا حظها اللي من ورا الصلب صالبها
يالين التقو بالموت ماعاد به مزبان=ودارت رحى حرب تبشر عواقبها
وسبع الجماعة يسبع السبعة الظفران=وسبع السباعة صاد ثعلب ثعالبها
ومن عقب فسقتهم غدو كنهم وبران=تغص الجحور بها وتوخذ نجايبها
وهذي عوايدنا لياكبرت الاكوان=من افعالنا تبكي الحبايب حبايبها
وفي روضة المذبح تركنا العدو مهان=وخسر من طمع في البل على الحصن مهذبها
وتجندل على الحيسية الطايش الغضبان=ولاسرته دهم الجموع وتحزبها
وعلى رماح بالارماح كم جالنا ميدان=وكم هية بالقوم كبرت مصايبها
وكسرنا المعاند في العويند بلاجبران=وتركنا عليه القوم فاكبر نوايبها
وعلى الترك به يوم تشيب به الولدان=تقل فيه صرعى عاد من عقب حاصبها
ويم الرويشن شيخهم بالحمر غرقان=عقب وتركت حمر الطواقي مشاغبها
عفرنا لحاهم بالعفيرة على القيعان=وهذي مقابرها بقت مع مثالبها
ليامن تثنى السيف في فارس دجران=تعدل بغيره والسيوف بمضاربها
وعروى لبسنا دون ميقافنا الاكفان=نذوق الفنا ولا المذلة نعيش بها
وفي السر باح السر وازدادت الاضغان=وبيض العذارى شققت به سلايبها
وحنا حمينا زعب يشهد لنا شامان=عن بن الشريف اللي بسيفه يطالبها
وذود الشيوخ اللي مداهيلها بنبان=خذينا خياره فالطريق نتحلبها
جهار نهار مانجي للعرب ختلان=عيان بيان نزورها مانحسبها
ويم الرويضة وقعة مالها نكران=على جالها الطماع تبت تبايبها
صباح على غرة لكن الرجال ذهان=غدا الضد باذيال الهزيمة يسحبها
ماتنسى مواقفنا بها مطير والعجمان=ولا الاد زايد والقصايد تردبها
وفي الشعب والصلب ومحيجر عشا السرحان=كرام اللحى اللي هسة الكيل تغضبها
وفي الوشم وايا سدير ويشهد لنا حدجان=رجال الطلايب قاصرين طلايبها
ويوم الحنية بالمنية به الكيسان=تناضح وتسجر نارها في حطايبها
وفهرين والشيط وزبنة عرب نجران=علينا عن بن سعود من عقب هم بها
وروضة خريم وضبع ذدنا عن الحدان=ووردنا بهن اصفى المشاريب واعذبها
وخبرا البرازات اشهرت سيح ودلقان=توصف بها من بينها والعلوم بها
ويوم القويعية تقل فيه جن عمان=نبيد العدا والا لاسلمت نعيبها
وقريات شاهد والبويبية الجيان=تلج بثنا ابيات تساق المطي بها
ويوم على الرمحية به العدو سهران=ويبكي بها اللي سلم من كان مات بها
وقذلة مابين شمام والسر كون كان=كسبنا القلايع بالفنايع تعود بها
وحوضى على حوض المنايا حضر عزران=على ارواح الاشراف الطغاة يتسلبها
وغيره على القاعية بزند وصوان=وفالبير والبرة تعاضب معاضبها
وعيدة حضرنا فالوعيدة وفالريان=باشاوس زحول دقلة الجيش تطربها
وفي الخفس ومبايض وسلام والضيان=وركبة بها ضرب الاعادي متوبها
ولنا هيبة عند الاعادي مع الصدقان=ونحفظ حقوق الجار مانستخف بها
ولانكسح الصايح ليا راغت الاذهان=وكم من مناويخ حسمنا مطالبها
كما الحرملية عيد ذيب الخلا الجيعان=بقوم رمينا روسها عن مناكبها
تسجل بها يومين تسمع بها الصقهان=وفي الكتب مايجلى عن احوالها ريبها
وفي المستوي يوم الجماجم كما الرمان=تراما بدمها ماتقضت مطالبها
وقفنا مواقف عز ماهيب فالحسبان=نضيع هقاوي القوم من يوم نقربها
وفي الخرج يوم الهرج ماعاد له قبلان=زحول العدا تلعن عليها مسببها
فالاولى والاخرى للدمي فوقها ودان=ومن شب نار الحرب يونس مشاهبها
وفالثالثة ماتنكر فزوعنا قحطان=على اضدادها يوم اصبح الحظ ناكبها
فعلنا مفاعيل بها سارت الركبان=منارة فخر طالت عن اللي يحجبها
والانجل عليه معاند الروس والشيخان=مزون المنايا سبلت به ذوايبها
تعقرب بوارقها وتمشي بها الشعبان=وتنقع مغاليل الصدور بسبايبها
وبه هيتين روس الاعدا بها نطلان=نطلق بمصقول الهنادي كواعبها
ومناخ الرضيمة يوم جرد عن الذرعان=حضرنا حضور زاح عنها غياهبها
بصم الحوافر قدحها فالحجر لابان=كما قدح طرقي لنار يشببها
ويم الحفر كم انحفر من قبر ندمان=يبي جمة العز المصفى يغثربها
وفتح الحسا كنا به القلب والشريان=بيوم السبية قد رمينا الرماة بها
بعد وجهو بيرق عريعر لابن لحيان=كسره بعقاب البندق اللي تنكبها
ودفرهم بخيله لين روع بها فغران=وفرق جموعه عنه بعد تكالبها
7
7
7
يتابع
الأربعاء مارس 18, 2009 12:25 pm
