السلام عليكم ورحمة الله وبركاته اهدي القصيده الآتيه الى اخوي حموووود بمناسبة فتح الموقع الى الامام ان شاء الله
ياهاجسي لا يلحقك فالزمـن حيـف
ارقى علي روس الرجـوم المطلّـه
لاتنثنـي لـو تبتليـك الصواديـف
متني لهـا وشعيـل حملـه يشلّـه
ميعادنا روس الطـوال المشاريـف
في منـزلٍ مـا كـل رجـل يدلّـه
شاعر واشرف لابتي خير تشريـف
مانـي علـى ماقيـل للكبـد علّـه
مجبول عن قولة هروج التخاريـف
والعلم لاجبتـه يجـي فـي محلّـه
اكتب على معناي مـن دون تكليـف
ممـا يخلّـي القـاف محـدٍ يملّـه
مع اجتماع الليل والحبـر والكيـف
وفكرٍٍيقـدّم للعـرب كيـف دلّــه
اجود من بـدع المثايـل محاريـف
مصيونتٍ عـن كـل عيـبٍ وزلّـه
مثل الذهب في زاهيـات النفانيـف
ماكـل مخلـوقٍ ٍيبـيـه يحصـلّـه
هنا القلم يفعل كمـا يفعـل السيـف
يبقى بوسـط الذاكـره لـو أسلّـه
يغنيك بدعه عـن كثيـر السواليـف
لامـن نثـر ورده وشيحـه وفلّـه
يشفقله المتـذوق ان كـان حريّـف
اللي يعـرف الشعـر دقّـه وجلّـه
لاصرت واضح مالحق منهجي زيف
تبقى وسومـي واضحـه مستقلّـه
مما يسبـب عنـد نـاسٍ ٍملاقيـف
ربكـه شديـده وارتباشـه وخـلّـه
اللي على الهرجه سوات الصراريف
تجمـع شريـط السالفـه ثـم تفلّـه
مغبونةٍ تسعـي لكسـر المجاديـف
الكـذب طبـعٍٍ .. و النمايـم جبلّـه
لكن يابرقٍٍ سرى ماطـرك صيـف
يموت عودك مارتـوي فـي محلّـه
بأشوم عنك ماني لماطـرك ضيـف
الحـر مايقبـل طـمـان المـذلّـه
وسلامتكم
الشاعر/سعود ناهض الرويس